Latest

14 taga Naga City na nalaom sa UP Diliman, mapuli ngonian na aldaw



NAGA CITY (Bicol Standard) -- Makaka puli na digdi atyan na hapon an 14ng mga estudiante sa University of the Philippines Diliman, Quezon City nin huli kan pig-implementar na enhanced community quarantine (ECQ).

Segun sa informasyon na guikan ki Major John Paul Bellega, spokesman kan 9th Infantry Division kan Philippine Army, sinundo sinda sa UP Diliman campus, kasubagong alas 9:00 nin aga.

An saindang pig lunadan iyo an bus kan army.

Mababa sinda sa banwaan kan Milaor atyan na alas 5:00 nin hapon.

Mientrastanto, maderecho sinda sa quarantine facility asin matinir sa sinambit na lugar sa laog nin 14ng aldaw.

Pakalihis kan persiodo kan pag quarantine sapa sana sinda tutugotan makapi sa saindang residencia digdi.