Latest

Religious gatherings, tugot na sa lugar na nasa GCQ, basta may social distancing - Año


Bicol Standard file photo


MANILA (Bicol Standard) -- An essential work asin religious gatherings an tinutugotan na sa lindong kan general community quarantine (GCQ) bastang dapat sunodon an social distancing asin ibang safety protocols, sabi kan Malacañang.

"Sa transportation, one meter, sa religious asin work meeting dapat duwang metros an distancia," sabi ni Presidential spokesperson Roque.

Sinabi pa niya na an mga tawo na maatendir kan essential mass gatherings dapat mag sulot nin face masks, face shields asin ibang proteksyon sa sadire sa ka-enterohan kan tiripon o okasyon.

Mientrastanto, si Interior Secretary Eduado Año nagsabi na an mga lider nin grupo relihiyoso dapat mag discarte nin paagui para masunod an social distancing sa saindang aktibidad.

Pira tawo an dapat mag attendir para consideraron na mass gathering? Sabi ni Año, mayo nin definidong numero, an importante digdi distancia.

Pinaguiromdom ni Ano na si mga matrabaho sa mga lugar na nasa GCO kaipohan dara ninda an company ID asin certificates of employment.

An gobierno national nagsabi na an mga lugar na nasa lindong kan enhanced community quarantine abot sa Mayo 15 iyo an minasunod: National Capital Region, Central Luzon, afuera kan Aurora, CALABARZON, Pangasinan, Benguet, Baguio City, Iloilo province, Iloilo City, Cebu province, Cebu City asin Davao City.