Latest

Pwedeng mag-inom sa laog kan harong -- Legacion


NAGA CITY (Bicol Standard) -- Mayo na nin liquor ban sa Ciudad nin Naga, alagad pwede sanang mag-inom sa laog kan harong, segun ki Mayor Nelson Legacion sa saiyang pagpaliwanag kan Localized Guidelines on the Implementation of the General Community Quarantine in Naga City (Executive Order No. 2020-015).


Sabi pa kan alkalde, dai man pwedeng mag-agda nin mga kaibanan sa irinuman, susog sa Section 5.4 (Allowable Activities).

Afuera kan pagtugot sa pag-inom nin alcoholic beverages, tinutugutan naman an: government-sanctioned meetings and activities; gatherings attracting below ten people based on the Risk Severity Grading and Risk Public Health Standards, priority and essential construction projects siring kan government projects asin necessary home and building repairs, sabi pa sa Guidelines.