Latest

Mga lugar na nasa GCQ, mayo nang ayuda sa Social Amelioration Program - DSWD



LEGAZPI CITY (Bicol Standard) -- Dai na tatawan nin beneficio sa lindong kan Social Amelioration Program (SAP) an mga lugar na ibinugtak sa irarom kan General Community Quarantine (GCQ) poon sa fecha 1 kan Mayo.

Ini an pig linaw ni Arnel Garcia, Director Regional kan Department of Social Welfare and Development (DSWD) kasubago.


Ngonian na aldaw, Abril 30 an deadline para sa Local Government Units (LGUs) na tapuson an assistencia sa lindong kan SAP para sa bulan kan Marso asin Abril.

Sabi ni Garcia, solamente si mga nalihisan na familya asin si dai natapos matawan kan beneficiong ini ngonian na Abril, an tatawan na sana. Alagad, kaipohan na maghalat pa kan guidelines kun completo pa sindang tatawan.

Base sa guidelines kan opisina central kan DSWD asin DILG, an mga lugar sanang nasa lindong kan ECQ an padagos aayudahan sa maabot na Mayo.

Masumitir nin report an DSWD sa saindang opisina central kan resulta kan distribusyon kan SAP sa mga beneficiaryo.

Poon sa aga, Mayo 1 an gabos na provincias kan Bicol an nasa lindong na kan GCQ.