Latest

Huring listahan kan mga makakaresibi nin ayuda hale sa DOLE CAMP sa Bicol, pigpaluwas na



NAGA CITY (Bicol Standard)-- Pigpaluwas na kan Department of Labor and Employment (DOLE) Bicol kasubago an lista kan huring batch kan mga establecimiento na makakaresibi nin ayuda hale sa COVID-19 Adjustments Measures Program (CAMP).

Nag-abot sa 1013 na establecimiento an nakabali sa nasambit na listahan.


Sabi pa kan DOLE, suspendido poon pa kan fecha 15 kan Abril an pag-ako kan application para sa programa.

An mga dai natawan nin ayuda financial nin huli sa limitadong budget kan oficina, sabi kan DOLE, pwedeng mag-apply sa Small Business Wage Subsidy (SWBS) program kan Department of Finance.