Latest

DILG, suportado an 'Balik Probinsya' program pakatapos kan krisis sa COVID-19



MANILA (Bicol Standard)--Nagtutubod an Department of Interior and Local Government na saro sa mga lakdang na makakatabang na dai magkaigwa nin paglangkaw giraray kan mga kaso nin COVID-19 sa nasyon iyo an pag-encaminar na magbalik an mga residente kan Metro Manila sa saindang mga provincia.


Sabi ni DILG Secretary Eduardo M. Año, an nakakaulakit na helang na coronavirus disease madaling maglakop sa mga lugar kun sain dakol na maray nin tawo.

Prueba kaini an halangkawon na maray na numero kan COVID-19 sa National Capital Region, na igwa nin population density na 20,785, segun sa 2015 Census of Population.

Sa irarom kan Balik Probinsya program, tatawan nin incentibo, sa paagui nin livelihood opportunities asin tabang na financial an pag-uli kan mga residente kan NCR sa saindang mga provincia pakatapos haleon an enhanced community quarantine (ECQ).

Importante, sabi ni Año, na sa ngunyan pa sana, magpreparar na an mga local government unit sa propuestong programang.