Latest

Buses pwede nang magbyahe; jeepneys dai pa - DILG Sec Año

MANILA -- An ibang mass transportation an tutogotan nang mag operar sa aga sa lugar na sakop kan general community quarantine (GCQ) bastang mantiniron an distanciang sarong metro an pag-oltanan kan mga pasahero.




Ini an ginibong paglinaw ngonian na hapon ni Interior Secretary Eduardo Año.

"Regarding sa transportation, under GCQ ia-allow na 'yung ibang public and mass transportation provided na mayroong one meter distancing at saka mayroon pang additional preventive measures like thermal scanning bago sasakay at saka mayroon din siyang hand sanitation," sabi ni Ano sa press briefing.

Pag abot sa passenger buses, 50% kan saindang capacity an tutugotan, sabi pa.

"Kun 50 an capacity kan passenger bus, 25 sana an pwedeng maglunad. Dapag may pag-oltanano na tukawan an pasahero", sabi pa.

Malinaw na sinabi ni Ano na an jeepneys prohihibido pa guiraray na mag kayod sa lugar na nasa lindong kan GCQ.

"Maheleling na an tukawan kan nakalunad sa jeepney magkaatubangan an pasahero. Kun maglusad an sarong pasahero, maagi sa atubangan kan iba" sabi pa.

Idinagdag ni Ano na an Department of Transportation magibo nin final na reglamento dapit sa pagbwelta kan operasyon kan ibang mass transport vehicles.