Latest

Pagtugot kan religious gatherings, binawi kan Malacañang


MANILA (Bicol Standard) Binawi kan Malacanang si enot nindang statement na nagsasabi na an religious gatherings tutugotan na sa mga lugar na nasa lindong kan general community quarantine (GCQ).

Sa mensahe sa reporters, si presidential spokesperson Harry Roque Jr., nagsabi na an issue na tugotan an religious activities an pig sumitir sa Inter-Agency Task Force on Emerging Infectious Diseases asin pag oorolayan sa aga.
Pig confirmar ni Roque na mayo nin religious gatherings na tutugotan sa mga lugar na nasa lindong kan GCQ sagkod na mayo pang final na desisyon sa bagay na ini.

Sa press briefing kasubago, sinabi ni Roque na an essential work asin religious gatherings an tutugotan na sa lugar sa lindong kan GCQ bastang mantiniron an social distancing asin an ibang security protocols sunodon.

An mass gatherings, kabale an religious activities an dai tinutugot sa lugar na nasa lindong kan enhanced community quarantine (ECQ).