Teacher sa Lagonoy, gadan kan madisgracia sa motorsiklo



LAGONOY, CSur (Bicol Standard) -Nin huli sa makusog na pagbudal sa poon nin kahoy sa guilid kan tinampo, binawian nin buhay si Arnold Saboco y Debil, soltero, taga Brgy. San Rafael, sa banwaan na ini.

Segun sa imbestigasyon si Saboco, na sarong maestro nakalunad sa motorsiklo na pig mamaneho kan 19 anyos na si Corono, kan mawaran siya nin control kan manibela, kaya nakabudan sa poon kan Gemilina, na nagtubo sa guilid kan tinampo.

Nangyari an aksidente sa Sitio Mainit, sa Brgy. Binanuahan, digdi, kasubangui, poco mas o menos alas 10:00.


An driver kan motorsiklo na si Corono taga Brgy. Agpo, digdi.

Nagluluwas sa imbestigasyon na makusogon na maray si pagkabanga kan vehiculo sa poon kan kahoy, kaya nagadan tulos an biktima sa pinangyarihan kan aksidente.

Pig bubulong pa ngonian sa hospital si Corono nin huli kan mga lugad sa saiyang lawas.
Powered by Blogger.