Sponsor

Suspechado sa pagbadil ki Chief Security Officer Musa, nadakop na


NAGA CITY--Nadakop na por medio kan hot pursuit operation an suspechado sa pagbadil, gadan ki Jose Francisco "Jojo" Musa, Chief Security Officer kan Provincial Capitol kan Camarines Sur.

An suspechado iyo si Elmer Nelmida y Tolentino, 58 anyos, retiradong miembro kan Philippine Army, asin dating miembro asin security guard kan Civil Security Unit.

Si Nelmida residente kan Caroyroyan, Pili, Camarines Sur.

Sa entrevista sa media, inako kan suspechado na nagkulog an boot nya ki Musa kan pigterminate siya kaini sa trabaho, pati na an saiyang agom asin manugang.

Alagad, pigklaro niya na dai ini magiging rason para gadanon niya si Musa.

Maroromdoman na mantang daeng kuryente sa Decahomes Grandvale 1, an 50 anyos na victima pigbadil kan sarong lalaki na an langkaw poco mas o menos 5'7 o 5'8, medyo mataba, segun sa mga testigo.

Idinalagan sa Mother Seton Hospital an biktima, kun sain ini binawian nin buhay alas 8:02 nin banggi.

Si Musa dating Jail Warden kan Tinangis Penal Farm, sa Pili, Camarines Sur.

Philhealth

Philhealth
Powered by Blogger.