Nurse na taga Baao, kabale sa nagadan sa nag lagpak na eroplano sa Laguna



BAAO, Camarines Sur (Bicol Standard) -- Biglang napara an pangaturugan ni Kirk Eoin Badiola, sarong registered nurse, na maka trabaho sa America kan mabagbag an eroplano na saiyang pig lunadan, sa Brgy Pansol, Calamba City, kan sarong aldaw.

Si Badiola sarong registered nurse na naghahalat kan saiyang visa tangani na mag trabaho sa America.
Mantang nag hahalat kan oportunidad na maka trabaho sa America, nag seserve siya bilang volunteer sa Philippine Red Cross digdi sa Camarines Sur, poon pa kan 2011.
Segun sa pahayag ni Mrs. Francia Fullante, an Office-in-Charge kan Philippine Red Cross sa Camarines Sur, si Badiola sarong safety services instructor.
Sabi pa ni Fullante, siya asin an ibang official kan Philippine Red Cross nagdalaw sa residencia kan saiyang mga magurang sa Brgy. San Ramon, Baao, tanganing tawan sinda nin psychological service.
Naaraman pa sa report na si Kirk Badiola iyo an matua sa tulong magturugang.
Siya (Badiola) asin an saiyang mga pagiriba naka lunad sa medical evacuation aircraft kaiba an sarong paciente na dadarahon sa Metro Manila, hale sa Dipolog City, Zamboanga del Norte.
Powered by Blogger.