Barryman's Coffee and Tea

Barryman's Coffee and Tea

Lalaki, nagbadil sa payo, huli sa sa selos?



SAN FERNANDO, Camarines Sur (Bicol Standard) -- An pagtubod kan saiyang mga paryente, iwal nin mag-agom an naging mitsa kan pag suicide ni Ronelo Piel, 42 anyos, na taga San Fernando, Camarines Sur.

Naabotan kan pinsan kan biktima si Piel na mayo na nin buhay, nagkakarigos nin dugo sa laog kan saindang residencia.

May tama siya nin bala sa payo hale sa calibre .45ng badil.

Segun sa mga informante pwedeng may makuring problema an biktima asin an saiyang agom.

Alagad, kun ano an problemang ini bakong pang malinaw hastang sinusurat an baretang ini.

Naglalaom an mga nag sisiyasat kan pangyayari na maluwas man guiraray an tunay na rason kun tano na pinili kan biktima na tapuson an saiyang buhay, por medyo nin pag suicide.

Inabotan kan pulis an mayo nang buhay an biktima.

Kataid kan bangkay an ginamit na badil asin an cellphone kan lalaki.

An ginamit na badil may laog limang bala asin magazine kan bala para sa calibre .45ng pistola.

Pig iimbestigaran an angulong selos an saro sa mga rason kan pagpatiwakal kan biktima.

Nagsayuma an mga miembros kan saiyang familya na magtao nin ibang detalyes kan pangyayari.

Philhealth

Philhealth

Ako Bicol

Ako Bicol

Trending

Powered by Blogger.