Lalaki, nabangga nin awto sa Nabua, gadan



NABUA, Camarines Sur (Bicol Standard) -- Mayo na nin buhay kan mag abot sa hospital an hawak ni Luis Apondar, residente kan Brgy. Lourdes Young, digi na nabangga nin awto mientras nagbabalyo sa tinampo.

Si Apondar, sabi sa report naaksidente sa Maharlika Highway, sa Zone 6, sa sinambit na barangay.

Base sa imbestigasyon dai na reparo ni Apondar na igwa nin awto na nagdadalagan sa highway kan bigla siyang mag balyo siya sa tinampo.
Inagapan pa kuta na darahon sa hospital an biktima alagad mayo na siya nin hinangos kan makaabot lugar.
Nangyari an aksidente poco mas o menos alas 7:30 nin banggui, sabi kan pulis.

Mientrastanto, an driver kan awtong nakabangga ki Apondar iyo si Ariel Lerit y Belibit, taga Taguig City, nag surrender man tulos sa hepatura kan pulis.

Maatubang siya nin casong Reckless Imprudence resulting to homicide.
Inako ni Lerit an kasala asin nag promisang makikipag tabangan siya sa familya kan biktima.
Powered by Blogger.