Suspect sa budol-budol, dakop sa Naga City



NAGA CITY (Bicol Standard) -- Arestado an suspek na imbuelto sa budol budol sa syudad nin Naga.

An saiyang pangaran iyo si Grace Dela Pena Esmenda. Hale pa siya sa Dasmarinas Cavite.

Positibong pig tukdo kan mga biktima an suspek na iyo an nag kua kan saindang cellphone.

Primerong nabiktima kan ni Grace dela Pena Esmenda an sarong babae na ta Pili, Camarines Sur.

Nangyari an incidente pasado alas 3 nin hapon kasuodma Agosto 8, 2019.

Pasado man alas 4 nin hapon suodma man sana saro pa an saiyang nabiktima, na estudyante sa Biscast.

Inako kan suspect an krimen asin sinabing nagibo niya lang ini huli sa pangangaipohan nin kwarta.

Modus kan suspek an pagpapabisto na nag hahanap nin pwedeng arkilahon na apartment.

An masunod, iyo na an saiyang pig planong krimen.

Segun sa mga biktima, pigtawan sinda nin kwarta na patos kan medyas alagad kan saindang
reparuhon bakong kwarta an laog, kundi sanitary napkin.

Yaon siya nalalangob sa carcel kan pulis sa Naga.

Igwa siya nin mga kasapakat, na hinahanap pa kan mga awtoridad.
Powered by Blogger.