Panugangan pinokpok nin martilyo an payo kan manugang, gadan



LIBMANAN, CSur (Bicol Standard) -- Idinalagan pa kuta sa hospital an lalaki na hinaromal nin martilyo sa payo kan saiyang panugangan na naka-iwal, alagad sabi kan doctor mayo na siya nin buhay.

Nabisto an biktima na iyo si Alvin Sabaldica y Bolante, may agom, residente kan Zone 6, Brgy Ibid, digdi.

Sabi sa pag siyasat kan pulis, pasado alas 8:00 kasubangui kan sinakyada kan biktima an harong kan saiyang panugangan na lalaki na an pangaran Genaro Moral y Cantor, 59 anyos an edad.

Si Moral 59 anyos an edad, nag eerok man sa kapareyong barangay.

Nagluluwas sa report na pig probaran pa kan suspechado na diplomasyahon asin pakiolayan an biktima, ta manugan niya, alagad orog pang nag grabe si saindang diskusyon.

Dai na aram kan suspechadong si Moral an sunod na nangyari ta nag diriklon si saiyang pagheling kaya linutok niya sa payo an biktima nin martilyo, na iyo an ikinagadan.

Si Sabaldica nagadan sa pinangyarihan kan incidente.

An suspechado sasangatan nin caso sa pag gadan kan saiyang manugang, sabi kan pulis.
Powered by Blogger.