Menor de edad nakuanan nin P306,000 na shabu sa Naga City




NAGA CITY (Bicol Standard) -- Orog na marumarom an futuro kan 17 anyos na soltero na nadakop kan pulis sa buy bust operation kan sarong bangui.

An suspechado, rinamalan kan mga awtoridad kan tukobon niya an kantidad na P14,500.00 na ginamit na paon karibay kan illegal na droga sa Brgy. Peñafrancia.

Si Juan de la Cruz (bakong tunay na pangaran) residente kan Greenfield, Brgy. Peñafrancia, digdi.

Afuera kan buy bust money na nakua sa saiya, completo man si Juan de la Cruz nin mga gamit sa pag usar nin shabu, arog kan aluminum foil, lighter, digdital na pisaran, asin 4 na sachet na may laog nin shabu.

Base sa report kan pulis, an illegal na droga na nakua sa suspechado nagkakantidad P306,000.

Mientras na pig iimbestigaran pa an suspechado, matinir ngonian siya sa poder kan Women and Children Protection Desk, huli ta siya menor de edad.
Powered by Blogger.