Sponsor

Iwal sa irinoman, saro sinaksak, gadan



BULA, CSur (Bicol Standard)  -- Binawian nin buhay sa pinanagyarihan kan krimen an 34 anyos na lalaki na sinaksak kan saiyang nakaiwal na ka-inoman sa Bula, Camarines Sur.

An biktima iyo si Jed Perez y Soliman, may agom, taga Zone 3, Brgy San Ramon, digdi.
Sa ginibong pagsiyasat kan pulis, an incidente nangyari alas 12:30 nin mag omagahon, kasuodma.

An suspechado iyo si Jomari Servillon y Bascuna, 25 anyos, soltero, residente kan kapareyong barangay kan biktima.
An sabi, kinomprontar ni Perez an suspechado nin huli kan dai pagka-intindihan niya asin sa tugang ni Servillon.
Dai nagustohan kan suspechado an ginibo saiya kan biktima kaya sinaksak siya (Perez) nin pirang beses sa lawas, na iyo an ikinagadan.
Nagsuko tulos sa mga awtoridad suspechado asin kakasohan sa pag gadan sa biktima.
Powered by Blogger.