'Indoy,' inakusar nin rape kan 9 anyos na pinanlumanak



SORSOGON CITY (Bicol Standard) -- Kaogmahan na tagob nin kamunduan.

Ini an namatean kan doce (12) anyos na aking babae na pirang beses na linupigan kan saiyang padarasto sa banwaan kan Donsol, Sorsogon.

An suspechado na iyo si "Indoy", bakong niyang tunay na pangaran tanganing itago asin mabisto an biktima, iyo an sinasabing ika 6 sa listahan kan mga most wanted sa sinambit na banwaan.

Segun sa Women and Children Protection Dest (WCPD) kan Donsol PNP, nagsumbong sainda an biktima, kaiba an saiyang kabarangay para i-reklamo si "Indoy" kan saiyang regular na sexual na pag abuso sa aki.

Nagsabi an biktima primero siyang linupigan kan akusadong si "Indoy" kan siya nueve (9) anos pa sana an edad.

Malinaw asin detalyado an sumbong kan aki, kaya kinasohan an suspechado nin 4 counts nin Rape na may relasyon sa R.A. 7610 o Child Abuse.

An siring na kaso mayo nin fianza.

Mantang dinadangog an caso sa sala ni Judge Bernardo Jimenez kan Branch 51 kan RTC sa Sorsogon, an akusado matinir sa carcel.
Powered by Blogger.