Brgy tanod sa Libon, Albay, binadil, gadan



LEGAZPI CITY (Bicol Standard) --Dai na nakaabot nin buhay an sarong tanod kan Brgy Buga, Libon, Albay na binadil kan dai nabistong lalaki kasuodma.
An biktima iyo si Magno Bonde y Mirafuentes, 41 anyos na residente kan nasambit na lugar.
Segun sa imbestigasyon, an krimen nangyari poco mas o menos alas 8:00 nin bangui (Aug 4), meintras na si Bonde nakikipag inoman sa atubangan kan residente ni Domingo Seda.
Bigla na sanang nagbutwa an dai nabistong lalaki na nagpaputok tulos kan saiyang badil, pintariya an biktima.
Pakatapos na tamaan nin pirang bala si Bonde, marikas na nagdulag an paragadan.
Dinara pa kuta sa Josefina Duran Hospital sa banwaan kan Polangui an biktima, alagad pig declarar kan doctor na mayo na siya nin buhay.

Trending

Powered by Blogger.