ARAM DAW NINDO? National Heroes Day



Mayo pa nin ley, executive order, o proclamation na opisyalmenteng nagpoproclamar sa kun sisay man na tawo sa Pilipinas bilang heroe nacional.

Maski si Jose Rizal, dai pa ipigpoproclamar oficialmente bilang national hero kan Pilipinas.

Ini segun mismo sa National Commission on Culture and the Arts (NCCA).

Sabi NCCA, igwa sana nin mga ley asin proclamation na ipigpaluwas sa pagtaong honra sa nagkapirang mga tawo para sa saindang mga kontribusyon sa nasyon.

Kan taon 1995, ipigrecomendar kan National Heroes Committee na an mga minasunod na tawo midbidon bilang national heroes: Jose Rizal, Andres Bonifacio, Emilio Aguinaldo, Apolinario Mabini, Marcelo H. del Pilar, Sultan Dipatuan Kudarat, Juan Luna, Melchora Aquino, asin Gabriela Silang.

Alagad hasta ngunyan, mayo pang ginigibong aksyon sa nasambit na listahan.

Sabi kan mga historian, tibaad magcausa nin dakol na debate manungod sa mga kontrobersiya sa saindang mga naginibo kun an mga ini ipoproclamar oficialmente bilang national hero.
Powered by Blogger.