SK Chairman sa Albay, binadil gadan




Pigsususog kan Daraga police ngonian an apat na dai pa nabibistong suspechado sa pagbadil, gadan sa SK Chairman kan Barangay Ibaguan, Daraga, Albay kasubagong alas 3 nin hapon.

Segun sa report kan PNP, kaulay kan biktimang si Jane Nuñez Moneda, 25 anyos, may-agom, asin residente kan nasambit na barangay an mga suspechado sa atubangan kan harong kan mga magurang niya kan madangog an mga putok nin badil.

Tulos binawian nin buhay si Moneda, dugang pa kan report.

Nagkukurahaw ngunyan para sa hustisya an binayaan na familia asin mga amigo asin amiga kan victima.

Trending

Powered by Blogger.