Provincial bus ban sa EDSA, poon sa Agosto 6

Bicol Standard photo


MANILA (Bicol Standard) -- "Kun mayo nin TRO na hale sa jusgado, dagos na an implementasyon kan pagpangalad na an mga provincial buses mag agi sa EDSA, poon sa fecha 6 ngonian na bulan, Agosto.

An grupo na nag ki-kwestyon kan bus ban dai nakakua nin temporary restraining order (TRO) hale sa Supreme Court.

Segun sa insiders. dai pig tukar kan Supreme Court an petitions na pig file kan AKO Bicol party-list group Reps Ronald Ang asin Alfredo Garbin Jr., Albay Rep Joey Salceda asin Bayan Muna party-list kan Abril 29, para an sa SC na pondohon an implementasyon kan Regulation No. 19-002 kan MMDA.

Enot kaini an SC nag order sa respondents na pinapanginotan ni MMDA chairman Danilo Lim asin an Metro Manila Council na compuesto kan mga alkalde sa ciudad asin municipio sa National Capital Region -- para simbagon an petition asin mag sumitir kan saindang comment.

Hinagad kan MMDA na idismiss an petitions asin mag schedule nin dry run kan bus ban sa Aug 6.
Powered by Blogger.