Piridasong lawas na nasa sako, nasapod sa Libmanan, CSur


LIBMANAN, CSur (Bicol Standard) -- Dai pa nabibisto kun sisay an pangaran asin kun taga saen an bangkay kan tawo na piniridaso asin ilinaog sa sako, alagad nasapod mantang naglalataw-lataw sa salog na parte kan Brgy. Potot, digdi.

Segun sa pahayag ni P/Staff Sgt. Emyrose Organis, an para taram kan Libmanan PNP, ipinaabot sainda an informasyon dapit sa naheling kan mga residente na sakong naglalaw-lataw sa salog, sa tungod kan sinambit na barangay.

Mientrastanto, an mga nag osyoso na residentes digdi sinapod an nag lalatawo na sako, asin kan bukasan, naheling na an laog piniridasong lawas nin tawo.

Sabi pa ni Sgt Organis, saro pang sako an nakua sa kataid na barangay kan Puro batya, na kan bukasan, may laog na payo nin tawo, asin ibang parte kan piniridaso lawas nin tawo.

Hastang sinusurat an baretang ini, dai pa nin nakakabisto kun sisay an nakuang gadan.

Naheling kan mga nagsapod kan lawas kan biktima na dai na pwedeng mabisto an lalawgon kan bangkay.

Dinara na ngonian sa sementeryo digdi an mga piniridasong lawas tanganing ilubong ta maraot na an parong kaini.
Nangapodan an pulis sa sisay man na may nawawarang miembro kan saindang familya na makipag coordinar sa mga awtoridad kan Libmanan, sa orog na madaling panahon.

Trending

Powered by Blogger.