Sponsor

Pastor na broadcaster sa Albay, inarestar sa casong Estafa



LEGAZPI CITY (Bicol Standard) -Inarestar kan pulis an sarong broadcaster asin pastor sa Polangui, Albay, huli sa mga casong inaatubang niya sa Municipal Trial Court (MTC).

Base sa report kan pulis, an akusado iyo si Teddy Balagan y Alcotas, a.k.a Partor Xirwyn Yap, Pastor kan Missionary Baptist Church sa Polangui, Albay.

Haloy na siyang wanted kan pulis huli sa mga casong pagbalga kan BP 22 (Estafa), na may Criminal Case No. R. 2002-605 asin R-2002-597. An nag firma kan mandamiento de aresto contra ki Balagan iyo si MTC Judge Francisco Furay, kan 6th Municipal Circuit Trial Court, Hinunungan, Silago, Hinunungan, Southern Leyte.

An sinambit na mandamiento de aresto pareyong may fecha Febrero 11, 2003, asin may rekomendadong fiansang kantidad P25,000.00 asin P40,000.00.

Segun sa record kan pulis si Balagan iyo an kagsadire kan Best FM 105 radio station, sa Polangui, Albay.

An agom ni Balagan taga Brgy. Ubaliw, Polangui, Albay. 

Alagad, an akusado taga Brgy. Panalaron, Hinunungan, Southen Leyte.

Pig coconsiderar kan PNP Polangui si Balagan bilang No. 10 most wanted sa Leyte.

Philhealth

Philhealth
Powered by Blogger.