Paratinda nin marijuana sa Naga City, nadakop kan pulis



NAGA CITY - (Bicol Standard) -- Orog pang pinahiwas an pagkalap nin informasyon kan mga miembros kan PNP asin PDEA digdi, nin huli kan na notaran na pagdakul kan numero kan mga jovenes na nag gagamit asin nagpapabakal nin alang na dahon nin marijuana.

Base sa record kan pulis, an mga eskwela sa secondarya asin Senior High School an target ngonian na pabakalan nin marijuana, ta mahal an presyo kan shabu.

Kan sarong aldaw, nadakop kan mga awtoridad an 19 anyos na Senior High School student, na nabisto sa pangaran na Renz Palomares y Vargas, alyas Wawa, pakatapos na gibohon kan pulis an buy bust operation.

Nahulog si Alyas Wawa sa kamot kan mga awtoridad na may darang marijuana, sa Deca Homes, sa Brgy. Abella, digdi.

Pasado alas 12 nin mag-omagahon (July 30), sa sinambit na lugar, nakipag transaksyon suboot an suspechado sa nag sagin-sagin na parabakal nin marijuana, na paon palan kan pulis.

Nakabakal ki Alyas Wawa nin sarong plastic sachet na may laog na pina alang na marijuana, na na kompiscar kan mga awtoridad.

Afuera kaini, nakakua pa an pulis nin 5ng pakete nin marijana sa poder mismo kan suspechado.
Sinangatan na siya nin casong pagbalga sa R.A. 9165 o Comprehensive Dangerous Drugs Act of 2002.

Trending

Powered by Blogger.