Mga para bakal nin sira na tamban, nagpahayag na igwa nin over supply sa Sorsogon



SORSOGON CITY (Bicol Standard) -- Mayo na nin gustong magbakal kan sirang tamban, o kun minsan inaapod law-law, nin huli sa dakul na dakop kan mga para sira digdi.

Sa lokal na mercado digdi, dai na kayang ipa ubos an saindang tindang "tamban". Kun igwa nin parabakal gusto na sanang hagadon an saindang paninda.

Sabi kan mga para dakop kan sira na ini, mas maray kuta kun dakul an gibohan nin sardinas para pakinabangan an saindang dakop.

Mientrastanto, susug sa report hale sa Bulan, Sorsogon, nagpondo na an kompaniyang nag gigibo nin sardinas, ta sobradong maray an saindang supply.

Sa ibong na lado, nagtutubod an ibang para sira na dapat reparohon kan saindang lokal na gobierno an siring na pangyayari, para matabangan an mga pobreng para dakop nin sira.

Trending

Powered by Blogger.