Empleado kan Casureco II, nakuanan nin P340,000.00 na kantidad na shabu



NAGA CITY (Bicol Standard) -- Ikinunkon sa carcel an empleado kan Camarines Sur II Electric Coop Inc., na nadakop kan Philippine Drug Enforcement Agency (PDEA) na may saray na shabu sa saiyang residencia.

Si Joseph Viola y Esperida, alyas Joseph pinosasan kan mga awtoridad pakatapos na servihan nin Search Warrant, asin makua sa saindang poder an 50 gramos nin shabu na may valor na P340,000.00.

Dinakop si Viola kan PDEA sa laog saiyang residencia sa Brgy. Sta. Lucia, Calabanga, Camarines Sur.

Antes siyang posasan, pig serve ngona saiya an Search Warrant na firmado ni RTC Judge Pedro Redona Branch 63, sa Calabanga, Camarines Sur.

Sabi sa report si Viola labing 20 nang nag tatrabaho sa Casureco II.

Sabi ni P/Maj. Dino Regaspi, kan PNP Calabanga, si Viola iyo an top priority kan saindang hepatura sa kampanya contra sa illegal drugs.

Trending

Powered by Blogger.