Duwang 4 na eskalon na edificio sa Cam High, haman na



NAGA CITY (Bicol Standard) -- Sinabat nin grabeng kaogmahan kan labing limang ribo na estudiante sa junior high school sa Camarines Sur National High School sa Ciudad nin Naga kan formal nang bukasan an duwang apat na eskalon na edificio, na para sa sainda.

Sabi ni Sulpicio Alferez, an Princial kan nasambit na eskwelahan, dakulang tabang sa saindang mga estudiante, asin sa mga para tukdo an bagong mga classrooms na magiging comfortable na an saindang pag adal. 

Siring man, mayao na sindang problema sa pag buru-balyo nin schedule kan saindang clase, nin huli ta kan dati, kulang an saindang cuarto na pig lalaogan.

Base sa informasyon na guikan DPWH District Engineer's Office, nagkaigwa na nin ultimong pag inspection kan mga bagong edificio, asin naaraman na pwede na ining magamit.

Maroromdoman na kan magbukas an clase kan Hunyo 3, ngonian na school year, 2019-2020, dai tulos nagamit an mga bagong edificio ta pig tatapos pa ini na hamanon kan contratista.

Trending

Powered by Blogger.