Sponsor

Drug suspect sa Tiwi, Albay, nadakop


TIWI, Albay (Bicol Standard) -Nag babasol na sa laog kan carcel si Bobby Crucillo y Bongon, 28 anyos, soltero, residente kan P2, Brgy. Nagas, sa banwaan na ini, pakatapos na madakop siya kan PDEA sa ginibong drug operation kasuodma.

Si Crucillo, saro sa mga pusikit na nagtitinda nin shabu sa banwaan na ini.

Haloy na siyang nasa listahan kan mga awtoridad, alagad dai nadadakop ta ma-ulyas na maray sa mga ahentes kan gobierno.

Sabi sa report kan pulis, kasuodma, tinukob niya paon kan pulis na kantidad P500, na ginamit na buy bust money, kaya siya nadakop.

An suspechado yaon ngonian sa poder kan MPS kan Tiwi mientras na pig hahanda an caso na isasangat contra saiya.
Powered by Blogger.