Sponsor

3 drug pushers dakop sa apartelle sa Naga City


NAGA CITY (Bicol Standard) -Tulong personas na suboot imbuelto sa pag tinda nin shabu an dinakop kan mga tawohan kan Philippine Drug Enforcement Agency (PDEA) sa ginibong buy bust operation sa laog kan Apartelle, digdi.

An mga inarestar kan pulis iyo sinda Alex Tolentino y Abogado, 40 anyos, may agom, taga Grandview Heights Subd., Brgy. Pacol, Ainna Armendi y Bazar, 19 anyos, residente kan Zone 5 Sitio Bagong Sirant, Brgy. Sta. Lucia, Magarao, Camarines Sur asin Greco Declan y Oquias, 51 anyos, may agom, taga Zone 1, Brgy Fundado, Canaman, Camarines Sur.

Ginibo kan mga awtoridad an saindang operasyon sa laog kan cuarto sa Apartelle, na nasa Brgy. San Francisco, poco mas o menos alas 8:15 kasubangui.

Nangyari an barakalan nin shabu sa laog kan cuarto kan Apartelle.

Sabi sa report, kan maging positibo an transasyon kan shabu saka naglaog an ibang mga ahentes kan gobierno, tanganing arestaron an mga suspechado.

Nakua sa poder kan mga suspects an sarong pastic sachet na may laog nin pig tutubodan shabu na nagkakantidad P10,000.00.

Ipinahayag kan PDEA na sasangatan sinda nin casong pagbalga sa R.A. 9165 (Comprehensive Dangerours Drugs Act of 2002.
Powered by Blogger.