2ng estudyante sa Naga, ipig orgulyo kan ciudad

NAGA CITY (Bicol Standard) -- Inapod na orgulyo nin Naga an duwang estudyanteng nagdara nin mga medalya sa nakaaging 5th Singapore International Math Olympiad Challenge sa Singapore kan nakaaging Julio 6 hasta 9, 2019.

An mga ini iyo sinda Kian Gabrielle Cabral, Grade V pupil kan Naga Central School II asin Sean Arman E. Abergos, Grade VI pupil kan Ateneo De Naga University Grade School.

Si Cabral nanggana nin bronze medal sa Mathematics Olympiad.

MIentrastanto,si Abergos nakakua nin Honorable Mention sa pareyong competisyon, asin Bronze medal sa Mind Sports Challenge.

Sa pangenot ni Mayor Nelson Legacion, tinawan an duwang estudyante nin commendation kan City Government of Naga sa flag ceremony kasoodmang aga.

Ini tanganing sinda maging inspirasyon sa ibang mga eskwela sa ciudad.