2 empleado kan Ocampo, CSur, gadan sa aksidente sa tinampo


OCAMPO, CSur (Bicol Standard) -- Duwang empleado kan Local Government Unit (LGU) kan banwaan na ini an nagadan sa aksidente na nangyari sa highway sa Brgy. Ayugan, kasubagong aga.
Segun sa report an saro sa mga biktima nurse mantang an saro, midwife na nagtatrabaho sa Rural Health Unit kan sinambit na banwaan.

Poco mas o menos alas 7:00 kasubagong aga, mahatod kuta sinda nin paciente sa Bicol Medical Center (BMC) kan makabudal an saindang pig lulunadan na ambulansyo sa poon nin kahoy, asin buminudal pa sa cementadong poste sa guilid kan tinampo.

Binawian nin buhay an mga biktima sa lugar na pinangyarihan kan aksidente nin huli sa sinapong tama kan saiyang lawas.

Sabi sa imbestigasyon, an mga nakalunad sa ambulasya, naka-apon pa saguilid kan tinampo, kaiba an bados na paciente.

Mientrastanto, an aki na namundag hale sa bados na paciente pig aasikaso ngonian sa hospital.
Tinatapos pa kan pulis an saindang pag-siyasat kan nangyaring aksidente.

Trending

Powered by Blogger.