Sponsor

Harong, sinalakat sa Lupi, CSur; P70,000 na mga gamit asin cuarta linalay



LUPI, Camarines Sur (Bicol Standard) -- Mayong huraw an mga incidente nin pananalakat ngonian sa man laen-laen na banwaan sa Camarines Sur, an pinaka ultimo sa record kan pulis nangyari sa Zone 3 kan Brgy Poblacion digdi.

Segun sa pulis, an incidente nangyari poco mas o menos alas 6:00 nin bangui, asin an biktima iyo an residencia kan mag agom na si Bernardo asin Nancy Alibuso.

Linalay kan dai nabistong para salakat an haros kantidad P70,000 na mga gamit asin cuarta, na sinimot sa laog kan residencia kan familya Alibuso.

Afuera kaini, binitbit pa kan parahabon an saindang mga appliances, arog kan 32-inch na TV na nagkakantidad P19,000; reloj sa kamot na kantidad P5,000, kurtina sa harong, 8GB flash drive na kantidad P450 asin cash na cuarta na kantidad P41,000.

Pwedeng pusikit nang parahabon an nag gibo kan krimen, sabi kan mga nag siyasat.

Nakalaog sa harong kan biktima an parahabon sa paagui kan rinaot na bintana na inagihan kan suspechado.

Mayo pa nin nakukuang informasyon kun sisay an nasa likod kan nasambit na pananalakat.

Philhealth

Philhealth
Powered by Blogger.