2ng lalaki, nadakop sa buy bust sa Cam Sur



CIUDAD NIN NAGA --Inarestar kan mga awtoridad an duwang tao na suspechadong imbuelto sa pagbariwas nin droga, kasuodma.

An enot na dinakop kan pulis sa banwaan kan Pili, Camarines Sur iyo si Reden Ben Paano y Esteban, residente kan Zone 9, sa Sitio Napayong, San Jose, Camarines Sur.

Nadakop si Paano sa ginibong buy bust operation kan Sabadong hapon, pakatapos na magbakal siya nin shabu sa ahente kan pulis na nag sagin-sagin na mabakal nin droga.

Kan pag positibo si transaction saiya kan ahente kan pulis, derecho siyang pinusasan, asin sa pag rekesa kan saiyang mga gamit, nakakua saiya nin duwang plastic sachet na may laog kan pig papangalad na droga.

Mientrastanto, an mga tawohan kan PNP Bula, pig arestar man si Antonio Balilla y Orbita Jr., sa Agdangan, Baao, Camarines Sur pakatapos na magpabakal man nin shabu sa saro pang poseur buyer, na ahente kan pulis.

Si Balilla, 41 anyos, balo, bisto sa alyas na "Tony", residente kan Zone 6, Brgy Sta. Elena, Bula, Camarines Sur.

Segun sa mga imbestigador, mahalnas nang maray na magdulag si Balilla sa mga awtoridad, hastang makumbensir kan poseur buyer na magpabakal saiya nin shabu.

An duwang nadakop kan pulis na sinda Paano asin Balilla an kakasohan nin pagbalga kan R.A. 9165, an Comprehensive Dangerous Drugs Act of 2002.

Trending

Powered by Blogger.