Rep Garbin, pabor na imbestigaran an problema sa raot na VCM

Garbin

NAGA CITY (Bicol Standard) -- Suportado ni Rep Alfredo "Pido" Garbin kan Ako Bicol Party-list an plano na imbestigaran an nangyaring pagraot-raot kan mga vote counting machines (VCMs) sa aldaw kan election.

Maroromdoman na dakul na mga VCMs sa Albay, Camarines Sur asin maging sa Camarines Norte an nanotaran kan mga botante na nagdara nin pagduda sa kredibilidad kan resulta kan pirilian.
Bako sanang an mga VCMs an nag abereya. Maging an mga SD cards nag raot-raot man na iyo an rason kan pagka atraso kan pag proklamar kan mga nangagaranang kandidato.

An mga may deferenciang SD cards kaipohan pang darahon sa Legazpi City, tanganing duman ipahirahay sa opisina

Kun magkaigwa nin imbestigasyon sa problemang ini pwedeng masimbagan an mga pagduda kan mga tawo, na may dakulang problema sa ginibong pirilian, na ginastosan nin dakulang kantidad nin cuarta kan gobierno.

Trending

Powered by Blogger.