Drug surrenderers inangat kan pulis na taposon an Recovery and Wellness program ninda



GOA, Camarines Sur-- Pinakiolayan kan Goa Municipal Police Station an mga drug surrenderer sa banwaan na ini na kabale sa 2nd batch kan Recovery and Wellness program, na tapuson an saindang rehabilitation session na mapoon sa maabot na Sabado.

Kaipohan ini para masegurong mabakli na sinda, asin isisikwal na an pag usar kan pinapangalad na bulong.

Sabi sa pahayag ni P/Maj Dominic Borigas, hefe kan PNP sa Goa, igwang nagkapirang mga kabale sa listahan kan mga nag gamit nin shabu o an inaapod na Person Who Used Drugs, an dai na tinatapos an pitong session para macompleto an saindang rehabilitation.

An parateng itinataong sarahotan -- igwa suboot sindang trabaho; an iba naghahale na sa banwaan, asin igwa man na nagbalik guiraray sa pag gamit asin pag tinda nin illegal drugs.

Idinagdag kan pulis na sa 60ng personas na nagparehistro na mabale sa rehabilitation, linalaoman na ma-iinaan pa ini, sabi sa report.

Pig confirmar kan PNP na igwa kutang maray na plano pa sa sainda, arog kan posibilidad na matawan nin hanap buhay sa tabang kan Department of Social Services and Development (DSWD) asin kun halening na nagbagong buhay na, hahaleon na sinda sa listahan kan mga surrenderer.


Trending

Powered by Blogger.