Sponsor

2ng semana na sana an stock na NFA rice sa Bicol


LEGAZPI CITY (Bicol Standard) -- Maabot na sana sa duwang semana an tada na stock kan imported na bagas sa bodega kan National Food Authority (NFA) Bicol, nin huli sa pagpapaotob kan Rice Tarrification Law, na inaprobaran kan Febrero 15, 2019.

Segun ki Henry Tristeza, an Regional Manager kan NFA sa Bicol, igwa na sana sindang tada na 471 mill na sako nin bagas sa bodega.

Idinugang ni Tristeza na an consumo kan Bicol nin bagas nag aabot sa 41 mill an kada aldaw.
Kun an pagbasehan an resular na distribusyon kan bagas sa mercado, dapat igwa pirme nin 15ng aldaw na stock sa bodega para dai magkulang an supply kaini.

Alagad mayo nin magigibo an NFA huli ta mayo nang nag abot na dugang na imported na bagas.
Mientrastanto, base sa pag monitor kan NFA nag baba an presyo kan commercial rice.

An dating P45.00 an kada kilo, may mababakal na ngonian nin P35.00 an kilo, mantang sa NFA rice, P27.00 man guiraray an presyo kaini kan NFA.

Philhealth

Philhealth
Powered by Blogger.