Art Workshop

Art Workshop

Teenager na taga Baao, akusado nin Rape asin Child abuse


BAAO, CSur-Sarong 17 anyos na menor de edad na taga Brgy. Buluang, digdi, an tinuklo kan mga pulis huli sa inaatubang na casong pagbalga kan RA 7616 (Child Abuse) asin casong Rape.

Si Angelo Bernas y Babol, alyas "Gelo" an dai na nakadulag sa mga awtoridad kan siya servehan nin mandamiento de aresto kasubagong alas 7:45 nin aga, sa saindang residencia.

An Warrant of Arrest contra sa suspechado firmado ni Judge Salve Eva Q. Villareal-Dimabayao, an Presiding Judge kan Branch 35 kan Regional Trial Court, sa Iriga City.

Base sa report kan pulis si Bernas, pwedeng maka fianza nin kantidad P80,000.00 para sa saindang casong Child abuse, asin sa casong Rape, mayo nin recomendadong fianza an jusgado.

Dadarahon an persona ni Bernas sa atubangan ni Judge Dimabayao para sa magkakanigong disposisyon.

Siya (Bernas) an sinasabing No. 4 sa listahan kan mga most wanted na persona sa Baao, Camarines Sur, sabi sa record kan PNP.

Trending

Powered by Blogger.