Supplier nin droga sa Baao, tinuklo kan pulis



BAAO, CSur--Dinakop kan pulis si Joven Barayoga y Bersabal, kan Brgy. Sagrada Familya, digdi pakatapos na i-serve sa saiyang residencia an searh warrant na firmado ni Judge Manuel Rosales kan RTC Branch 34 sa Iriga City.

Sabi sa report kan pulis, mantang pig rekisa ninda an lugar na iyo an puntariya kan search warrant, may nakuang 14ng plastic sacher na may laog nin shabu na carculadong an valor dai makulang sa kantidad na P50,000.00.

Laen pa kan illegal na droga, an mga pulis naka compiscar pa nin sarong calibre .38 na revolver asin 9 na bala.

Sa sinambit na lugar, igwang nakuang man laen-laen na illegal drug paraphernalia, sabi sa report.

An Brgy. Sagrada Familya saro sa mga barangay sa Baao na midbid na burabod kan pig titindang shabu sa halawig nang panahon.

Trending

Powered by Blogger.