Art Workshop

Art Workshop

Lalaki, tinaga, binadil, gadan sa Calabanga, CSur



CALABANGA, CSur --Mayo nin buhay an 40 anyos na lalaki na taga Brgy. Quinale, digdi kan siya badilon asin tulong beses na tagaon kan dai nabistong mga kriminal.

Nangyari an incidente kan Abril 1, segun sa report sa Calabanga MPS ni Punong Barangay Eustaquio Dumalasa.

Sabi ni Dumalasa may ipinaabot na report sa saiya dapit sa nakuang bangkay nin lalaki na may tama nin taga sa payo asin tama nin bala nin badil sa likod, guilid kan lawas asin sa parte kan lobot.

Mientanto, sa pag siyasat kan mga awtoridad, sarong residente kan lugar an nagsabi na nakadangog siya nin boses nin lalaki na nagsusuriyaw asin naghahagad nin tabang.

Pirang minutos an naka-agi, may nadangog siyang mga putok nin badil.

Inako kan nagtao kan informasyon sa pulis na nakarisa siya na may nag-aging duwang lalaki na may darang sundang asin badil.

Alagad, dai nabisto kun sisay ta igwa nin taklob na bonet an saindang mga payo.

Hastang sinusurat an baretang ini dai pa nabibisto an lalaking ginadan, sabi ni Pat. Jeffrey Mediario, an spokesman kan Calabanga MPS.

Trending

Powered by Blogger.