Empleado kan Daet LGU, gadan sa buy bust sa Labo, CNorte


LABO, CNorte--Pig declarar kan doctor na mayo na nin buhay si Socrates Consuelo alyas "Popoy", empleado sa MDRRMO kan Daet, Camarines Norte na suboot nagtumang sa mga awtoridad na nag conducir nin buy bust operation sa saiya.

An incidente nangyari sa Brgy. Bautista, digdi, kasubagong alas 12:30 na mag umagahon.

Segun sa report kan pulis, nag positibo na si saindang plano na magbakal nin shabu sa biktima, kaya nag ansyas na an mga awtoridad na arestaron si Consuelo.

Alagad, en vez na mag suko, nag probar pa ining maglaban sa mga awtoridad, kaya siya nabadil.
Idinalagan pa kuta an biktima sa Camarines Norte Provincial Hospital, sa Daet, pero pig declarar na mayo na nin buhay.

May nakuang 3ng pidasong heat sealed transparent plastic sachet na an laog shabu hale sa biktima, na may valor na P3,000.00; sarong calibre .45 na pistola, 6 na mga bala asin 2ng capsula nin bala para sa calibre 9mm pistol sa lugar kan buy bust operation.
Powered by Blogger.