Dating PD kan Cam Sur PNP, binadil, gadan



LEGAZPI CITY - Limang putok nin badil an nadangog ni Joven Bausa Llanto kasubagong alas 3:20 nin hapon, na iyo an pwedeng nakagadan ki Ramiro Bausa, Retired na Opisyal kan PNP asin kandidato sa cargong Consejal kan Ciudad kan Legazpi sa midterm election sa Mayor 13.

Segun sa pinaluwas na report kan pulis, si Bausa nakuang mayo nang buhay sa pwerang barangay kan Cagbacong, Legazpi City, na harane na sa Brgy Sogon, Castilla, Sorsogon.

An nakakua kan bangkay ni Bausa iyo si Kgd Fe Aycocho.

Base sa declarasyon ni Joven Bausa Llanto, si Bausa nagpasiring sa sinambit na lugar para makituparan sa dai pinangaranan na persona sa Brgy. Cagbacong.

Paglusad pa sana niya sa awto asin naglalakaw pasiring sa dudumanan na lugar, may nadangog tulos nin limang putok nin badil.

May naheling na siya nin duwang tawo na iyo an nagdulok asin nagsabi na maghale na siya sa lugar.

Mientrastanto, an 2nd Cop kan PPMF PIB, Albay PPO nagpadara na tulos kan saindang mga tawohan tangani na mag conducir nin hot pursuit operation.

An PNP dispacher na man nin SOCO na iyo an maproceso kan lugar kan pinangyarihan kan krimen.

Si Bausa dating Provincial Director kan Camarines Sur Provincial Police Office.

Trending

Powered by Blogger.