Akusado nin Carnapping sa RTC Pili, dakop na kan pulis

PILI, CSur - Pugol na ngonian kan pulis an mayor na suspechado sa casong pagbalga kan RA 10883 (Anti-Carnapping Law of 2016), na taga Zone 4, sa Brgy. Cadlan, digdi.

Si Amros Naldo y Mortega, 21 anyos, iyo an pig coconsiderar na No. 8 sa listahan kan Most Wanted Person digdi, huli kan nasambit na kaso.

Nin huli kan magabat na kaso na saiyang inaatubang si Judge Vivencio Gregorio G. Atutubo III, kan Branch 32 kan RTC Pili, nag recomendar na an akusado mag bugtak nin fianzang kantidad P300,000.00 para sa saiyang temporaryong libertad.

Nadakop siya kan Pili kasubagong alas 9:00 nin aga sa Brgy. Tagbong, sa banwaan na ini.