Art Workshop

Art Workshop

6 na lunad sa jeep gadan sa aksidente sa Libmanan


Kua ni Jha Estrella Teleg


LIBMANAN, Camarines Sur (Bicol Standard) -- Anom (6) na tawo an binawian nin buhay sa makangirhat na aksidente na sa Brgy. Bikal, digdi kasuodmang alas 4:00 nin hapon.

Sabi kan imbestigador kan pulis nagbangaan an sarong jeep na kargado nin mga pasahero na hale sa pag excursion asin an dump truck na pig mamaneho ni Neol Amot, 35 anyos an edad.

Kabale sa mga nagadan iyo an driver kan jeep na si Jorge Montanez, Marites Montanez, 53 anyos, asin 4 na menor de edad, na anas pasahero kan jeep.

Laen kan mga binawian nin buhay, 16 pang iba na mga lunad kan jeep an nagsapo nin mga rungas asin bari sa saindang lawas, ta naka-apon sinda nin pirang metros hale sa pinangyarihan kan aksidente.

An ibang pasahero naipit kan vehiculo.

Nag suko man tulos sa pulis an driver kan truck, na maatubang nin magkakanigong kaso, sabi kan imbestigador.

Pig aaram pa kan pulis kun ano an guinikanan kan aksidente asin kun sisay an may sala.

Trending

Powered by Blogger.