Art Workshop

Art Workshop

5 paratinda nin shabu dakop sa Naga City; P1.1 M droga nakua


NAGA CITY (Bicol Standard)--Saro sana an supplier kan droga kan limang tawo na nadakop kan sarong bangui sa buy bust operation na ginibo kan pulis, sa Barangay Concepcion Grande asin Concepcion Pequena, sabi sa report ni Senior Master Sergent Tobias Bongon, an spokesman kan pulis digdi.

Pinangaranan kan mga awtoridad an mga nadakop sa Barangay Concepcion Grande asin Concepcion Pequena na iyo sinda Arnold Arligue y De Guzman alyas Paras, may agom, taga Zone 7, Brgy. Abella asin Jet Avillado Dematera, 31 anyos, residente kan Brgy Tacolod, Canaman, na nagkukua kan saindang supply nin droga ki Rowel Sortido y Moratalla, soltero, dating surrenderer, na taga Zone 4, Abella, digdi.

Sabi ni Bongon magkairibahan sinda sa pagpabakal nin droga.

Mientrastanto, kaiba ni Sortido na nadakop kan pulis iyo sinda Vanessa Altar y Parrenas, 32 anyos, daraga asin Guny Sortido y Moratalla, 39 anyos, may agom na anas taga Abella.

Idinagdag kan mga imbestigador na an tulo sa mga suspechado nabakalan nagpabakal nin limang gramos nin shabu na nagkakantidad P12,000.00.

Nakua sa saindang posisyon an sarong plastic bag na may laog nin shabu, asin apat na pakete na may laog man nin droga na nagkakantidad P1.1 million.

Sa ibong na lado, an pulis nakarecover pa nin shabu ki Arligue na nagkakantidad P28,000.00 asin ki Avilado, na kantidad P30,000.00.

Huli kan bagay na ini an limang suspechado sinangatan nin kasong pagbalga kan RA 9165 o Comprehensive Dangerous Drugs Act of 2002.

Pig confirmar kan pulis na pighahalat sana ninda an tamang panahon para dakopon an iba pang mga para tinda nin droga digdi, por medyo nin buy bust operation o pag serve sa saindang harong nin search warrant.

Trending

Powered by Blogger.