2 lalaki nag-tagaan sa Nabua, pareyo irido


NABUA, CSur--Pareyong may mga lugad asin rungas an duwang lalaki kan sinda idinalagan sa hospital pakatapos na sinda mag taragaan sa irinoman sa Brgy. San Antonio Ogbon, digdi.

An mga biktima iyo sinda Jolly Rivera y Soliman, 42 anyos, may agom asin nag eestar sa Sitio Maringaw, Zone 5 sa Brgy. San Antonio Ogbon asin si Diosdado Solera, 54 anyos, may agom, na residente man kan pareyong lugar.

Base sa imbestigasyon, an incidente nangyari alas 10:00 kasubangui sa irinoman, na naresulta sa diriskusyonan asin tagaraan.

Si Rivera asin Solera asin apat na iba pa nagdiriskusyonan ngona, dangan nag suntokan.

Mainit an payo ni Solera na nagpuli sa saindang harong huli ta dai niya kaya an mga ponite kan kalaban na si Rivera, kaya nagpuli sa saindang harong para magkua nin armas.

Kan mag bwelta si Solera, igwa na siyang darang sundang asin derechong tinaga si Rivera na naki-agawan kan sundang na ginamit kontra saiya.

Naagaw ni Rivera an armas na sundang kaya tinaga niya si Solera sa man laen-laen na parte kan lawas.

Pareyo sindang idinalagan sa hospital para ipabulong.

Mayo pang malinaw na informasyon kun ano an ginikanan kan discusyon kan duwa.
Powered by Blogger.