Suspects sa kidnapping sa Pili, CSur naghagad preliminary investigation





PILI, CSur--Naghagad nin preliminary investigation sa opisina kan procurador kan Camarines Sur an mga suspechado sa kidnapping incident sa Pili, Camarines Sur, sa paagui kan saindang abogado, kasuodma.

Maroromdoman na may duwang menor de edad, saro 11 anyos, an saro 16, na nadakop sa banwaan kan Ocampo, Camarines Sur, kan Sabadong bangui.

Si Punong Barangay Erwin Borja kan Sto Nino, Pili -- iyo suboot an nag informar sa Punong barangay kan San Antonio, Ocampo, na kataid sana nindang barangay, para hagadon an tabang kan pulis sa Ocampo, asin abangan an color abohon na Toyota Hilux, na pig lulunadan kan 3ng suspechado.

Segun sa pahayag ni Police Capt Allan Lopez, acting chief of Police kan Ocampo MPS, binantayan kan saindang mga tawohan an lugar na aagihan kan awto, asin pinondo an sinambit na awto, sa barangay road kan San Antonio, Ocampo.

Naaprehendir an mga suspechado na iyo sinda Paulo Junu Nerva y Milabo, 27, taga Dayangdang, Naga City, Juan Antonio Castillo II y de Jesus, 27, kan Haring, Canaman, asin si Art Vicente Revilla y Dialogo, 27, taga Barangay Balatas, Naga City.

An duwa sa mga suspechado mga nurses, an saro, dating empleado nin hospital sa Naga City.

Positibong itinukdo kan duwang menor de edad an tulong lalaki na nag probar mag kidnap sainda, sabi ni Lopez.

Mientrastanto, ipinahayag ni Police Staff Sergent Eleno Calongui, an spokesman kan Pili PNP na an tulong suspechado nag rason na nag aadventure sa Pili, yaon sinda sa lugar na pinangyarihan kan incidente.

Maswerte sana suboot na naka dulag an mga biktima ta may nakaheling na driver nin habal-habal kan pangyayari.

Sasangatan nin casong Kidnapping asin pagbalga kan RA 7160 an mga suspechado.

Trending

Powered by Blogger.