Art Workshop

Art Workshop

Suspechadong gunrunner dakop sa Masbate



LEGAZPI CITY -Sari-saring calibre nin badil asin mga bala an nakua kan mga awtoridad sa harong ni Ramon Mestiola Nepomuceno, dating miembro kan CAFGU, pakatapos na servihan siya nin search warrant sa Brgy. Bayanihan, San Fernando, Masbate.

An San Fernando MPS, 503rd RMFB5, Masbate Provincial Intelligence branch kan Ist Mobile Force Company kan Masbate an nag duhol kan warrant sa sinambit na persona na nag tatrabaho bilang construction worker.

Sabi sa imbentaryo, nakua kan mga awtoridad an sarong calibre .45 na pistola, calibre 22, hand grenade, 58ng pidasong bala para sa calibre .45, mga bala para sa calibre .22, laser sight, duwang magazine para sa calibre.45, sarong magazine sa calibre .22, frame para sa calibre .45, duwang frames para sa calibre 38 na revolver asin 11ng pidasong spareparts nin mga badil, asin sarong itom na holster.

Si Nepomuceno sinangatan nin casong pagbalga kan RA 10591, na may relasyon sa Comelec gun ban, asin paglapas sa RA 9516 o Illegal possession of explosives.

Trending

Powered by Blogger.