Preparasyon sa Palarong Bicol 2020 pig poonan na sa Cam Norte



DAET, Camarines Norte -- Sarong taon antes kan masunod na Palarong Bicol sa 2020, an mga official kan Department of Education (DepEd) sa Camarines Norte an nagpoon nang magplano para sa pang rehiyon na sports activity.

An meeting pinangenotan kan mga haralangkaw na na official kan DepEd nagtukar kan tema dapit sa kaipohan na fundo na gagastoson sa karawat.

Mawot kan Division of Schools kan Camarines Norte na maghagad nin ayuda financial hale sa Sangguniang Panlalawigan.

Nagtutubod si Schools Division Superintendent Nene Merioles kan Camarines Norte na kaipohan na mabilog ninda an man laen-laen na komitiba para sa karawat asin an kaipohan na fundo para digdi.
Si Antonio Ahmad, an Information Officer kan Schools Division nagpahayag na determinado an saindang opisina na pagayonon an pang rehiyon na karawat, na paparticiparan kan mga matitibay na atleta hale sa Bicol.
Powered by Blogger.