Art Workshop

Art Workshop

Pamilya, gadan sa aksidente sa dagat sa Tinambac



TINAMBAC, CSur -- Mayo na nin buhay an tulong miembros nin sarong pamilya na nadisgracia mantang pasiring sa Brgy. Buenavista hale sa Salvacion (Poblacion) para mag atendir kan kina-ugalian na pagbasa kan pasyon kan buhay ni Hesu Kristo.

Sabi kan Philippine Coast Guard sa Tamban, nagpapataw-pataw na sa dagat asin mayo na nin buhay sinda Rolando asin Belen Quinones, patin an 9 anyos nindang aki kan sinda masapod kan Sabado sa tungod kan Sitio Buenavesta, digdi.

Ipinahayag ni PO1 Alex Lumbre, an station commander kan Philippine Coast Guard na pirme sindang nagpapaguiromdom sa gabos na mag ma-an sa gabos na oras, orog pa kun masakay sa dagat ta pirmeng may peligro an viaje.

Idinugang pa ni Lumbre na bako sanang pasegurohon an banka na nasa maray na kundisyon, bakong tagob nin pasahero asin orog na importante na dai naka-inom an makinista kaini.

Mientrastanto, sabi pa kan Philippine Coast Guard, dai nangangahulugan na como maray an kamugtakan kan panahon pwede nang mag comfianza an mga masakay sa dagat.

"Mayo na nin mas maray sa pirmeng nagpapaseguro" sabi pa kan Coast Guard.

Trending

Powered by Blogger.